പയ്യന്നൂര്‍: സഹോദരന്‍ അയ്യപ്പന്‍ ആരംഭിച്ച പന്തിഭോജനത്തിന്റെ നൂറാം വാര്‍ഷികം പന്തിഭോജന സ്മൃതി സംഗമമായി പയ്യന്നൂര്‍ ശ്രീനാരായണ വിദ്യാലയത്തില്‍ നടന്നു. മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. ശ്രീനാരായണ അന്തര്‍ദേശീയ പഠനകേന്ദ്രമാണ് സംസ്ഥാനമാകെ പരിപാടി സംഘടിപ്പിച്ചത്. സി. കൃഷ്ണന്‍ എം.എല്‍.എ അധ്യക്ഷനായി. ജില്ലാ പഞ്ചായത്ത് അധ്യക്ഷന്‍ കെ.വി സുമേഷ് മുഖ്യാതിഥിയായി. സ്വാമി ശുഭാംഗാനന്ദ അനുഗ്രഹ പ്രഭാഷണം നടത്തി. പന്തിഭോജനത്തിന്റെ കാലികപ്രസക്തി എന്ന വിഷയത്തില്‍ ഡോ. അജയ്‌ശേഖര്‍ പ്രഭാഷണം നടത്തി. ടി.വി വസുമിത്രന്‍, ഡോ. എം.ആര്‍ യശോധരന്‍, അഡ്വ. ശശി വട്ടക്കൊവ്വല്‍, കെ.പി കുഞ്ഞിക്കണ്ണന്‍, വി.പി അപ്പുക്കുട്ടന്‍, പി.കെ രാജപ്പന്‍ സംസാരിച്ചു.