കുറ്റനാട് : തൃത്താലയിലെ കേരള മെഡിക്കല്‍സില്‍ മരുന്ന് വാങ്ങാന്‍ വരുന്നവര്‍ക്ക് കയ്യില്‍ പണമില്ലെങ്കിലും പേടിക്കാനില്ല. കാശില്ലാത്തവര്‍ക്കും മരുന്നിന് കാശ് തികയാത്തവര്‍ക്കും വേണ്ടി തുറന്ന് വെച്ച ഒരു പണപ്പെട്ടിയുണ്ടവിടെ. ആര്‍ക്ക് വേണമെങ്കിലും അതില്‍ പണം നിക്ഷേപിക്കാം. കാശുളള സുമനസുകള്‍ മരുന്ന് വാങ്ങി ബാക്കി പണം ഈ പെട്ടിയില്‍ നിക്ഷേപിക്കുമ്പോള്‍ മരുന്ന് വാങ്ങാന്‍ പണമില്ലാത്തവരും പണം തികയാത്തവരും ഈ പെട്ടിയില്‍ നിന്നും പണം സ്വീകരിക്കുന്നു. തൃത്താലയിലേയും പരിസര പ്രദേശത്തേയും നിര്‍ധനരായ രോഗികള്‍ക്ക് വളരെയധികം ആശ്വാസം പകരുന്നതും തികച്ചും മാതൃകാപരവുമായ ഇത്തരം പ്രവര്‍ത്തനങ്ങള്‍ തുടക്കം കുറിച്ച കേരളാ മെഡിക്കല്‍സിലെ ഖാലിദ്, നാസര്‍ എന്നിവര്‍ക്ക് നാട്ടുകാരുടെയും പൊതുജനങ്ങളുടെ എല്ലാവിധ പിന്തുണയും ഉണ്ട്.