ആറ്റിങ്ങല്‍: യാത്രക്കാര്‍ക്ക് സുരക്ഷാ നിര്‍ദേശങ്ങളുമായി നിരത്തിലിറങ്ങിയ പൊലിസ് മാവേലി കൗതുകമായി. ആറ്റിങ്ങല്‍ പട്ടണത്തില്‍ മാവേലിയുടെ വേഷത്തില്‍ ആറ്റിങ്ങല്‍ പൊലിസ് നടത്തിയ ഗതാഗത ബോധവല്‍ക്കരണമാണ് നാട്ടുകാരുടെ ശ്രദ്ധ നേടിയത്. ഗതാഗതനിയമം പാലിച്ചവര്‍ക്ക് സമ്മാനം നല്‍കിയും പാലിക്കാത്തവര്‍ക്ക് താക്കീത് നല്‍കിയും മാവേലി പട്ടണത്തെ കീഴടക്കി.
ഹെല്‍മറ്റ് ധരിച്ചവര്‍ക്കും സീറ്റ് ബല്‍റ്റ് ധരിച്ചവര്‍ക്കും സമ്മാനങ്ങള്‍ നല്‍കിയപ്പോള്‍ ഗതാഗത നിയമം പാലിക്കാത്തവര്‍ക്ക് ഉപദേശവും താക്കീതും നല്‍കിയാണ് മാവേലി പട്ടണം ചുറ്റിയത്. സി.സി.പി.ഒ ഓഫിസര്‍ ബൈജുവാണ് മാവേലിയുടെ വേഷത്തില്‍ എത്തിയത്. എസ്.ഐ സുജീത്, സി.പി.ഒമാരായ ഉദയന്‍, കഷ്ണലാല്‍ തുടങ്ങിയവരും മാവേലിക്ക് അകമ്പടി സേവിച്ചു.