തിരുവനന്തപുരം: ഇന്ത്യന്‍ സൊസൈറ്റി ഓഫ് അനസ്തീഷ്യോളജിസ്റ്റ് തിരുവനന്തപുരം സിറ്റി ബ്രാഞ്ചിന്റെ ആഭിമുഖ്യത്തില്‍ ശ്രീ ചിത്തിര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സസ് ആന്‍ഡ് ടെക്‌നോളജിയിലെ അച്യുത മേനോന്‍ സെന്ററില്‍ ഐ.എസ്.എ നാഷനല്‍ സി.എം.ഇ. 2017 എന്ന പേരില്‍ മെഡിക്കല്‍ തുടര്‍ വിദ്യാഭ്യാസ പരിപാടി സംഘടിപ്പിച്ചു.
ദേശീയ തലത്തിലെ പ്രമുഖ ഉന്നത മെഡിക്കല്‍ വിദ്യാഭ്യാസ സ്ഥാപനങ്ങളില്‍ നിന്നുള്ള വിദഗ്ധരുടെ പ്രഭാഷണങ്ങള്‍ സി.എം.ഇയിലെ മുഖ്യാകര്‍ഷണമായിരുന്നു. പ്രമുഖ അനസ്‌തേഷോളജി വിദഗ്ധര്‍ സമ്മേളനത്തില്‍ പങ്കെടുത്തു. മെഡിക്കല്‍ കോളജ് പ്രിന്‍സിപ്പല്‍ ഡോ. തോമസ് മാത്യു മെഡിക്കല്‍ വിദ്യാഭ്യാസ പരിപാടി ഉദ്ഘാടനം ചെയ്തു. സമ്മേളനത്തില്‍ 350 പേര്‍ പങ്കെടുത്തു.