തിരുവനന്തപുരം: പട്ടിക ജാതി വികസന വകുപ്പിന്റെ ആഭിമുഖ്യത്തില്‍ അയ്യന്‍കാളിയുടെ 154 ാം ജയന്തി ആഘോഷം വിപുലമായി ആഘോഷിച്ചു. ഇതിന്റെ ഭാഗമായി രാവിലെ 8.30ന് വെള്ളയമ്പലം സ്‌ക്വയറിലെ അയ്യന്‍കാളി പ്രതിമയില്‍ പുഷ്പാര്‍ച്ചന, അനുസ്മരണ പ്രഭാഷണം തുടങ്ങിയവ സംഘടിപ്പിച്ചു.
സമൂഹം ഇന്ന് കാണുന്ന പുരോഗതികള്‍ക്കെല്ലാം അടിസ്ഥാനമായ പ്രവര്‍ത്തനം കാഴ്ചവച്ച വ്യക്തിത്വത്തിന് ഉടമയാണ് അയ്യങ്കാളിയെന്ന് ഡെപ്യൂട്ടി സ്പീക്കര്‍ വി. ശശി അനുസ്മരിച്ചു. ചടങ്ങില്‍ മേയര്‍ അഡ്വ. വി.കെ പ്രശാന്ത്, അഡ്വ. ബി. സത്യന്‍ എം.എല്‍.എ, മറ്റ് രാഷ്ട്രീയ, സാംസ്‌കാരിക നേതാക്കളും സാമൂഹ്യ പ്രവര്‍ത്തകരും പങ്കെടുത്തു.