പൊതുമേഖലാ സ്ഥാപനമായ നാഷണല്‍ ഫെര്‍ട്ടിലൈസേഴ്‌സ് ലിമിറ്റഡില്‍ മാനേജ്‌മെന്റ് ട്രെയിനി തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. ആകെ 36 ഒഴിവുകളാണുള്ളത്. www.na-tionalfertilizers.com എന്ന വെബ്‌സൈറ്റിലൂടെ ഓണ്‍ലൈനായാണ് അപേക്ഷിക്കേണ്ടത്.
മാനേജ്‌മെന്റ് ട്രെയിനി എച്ച്.ആര്‍ 12, മാര്‍ക്കറ്റിങ് 24 എന്നിങ്ങനെയാണ് ഒഴിവുകള്‍. എച്ച്.ആര്‍ ട്രെയിനിക്കു 60 ശതമാനം മാര്‍ക്കോടെ എം.ബി.എ അല്ലെങ്കില്‍ പെഴ്‌സനല്‍ മാനേജ്‌മെന്റ് ആന്‍ഡ് ഇന്‍ഡസ്ട്രിയല്‍ റിലേഷന്‍സ്, ഹ്യൂമന്‍ റിസോഴ്‌സ് മാനേജ്‌മെന്റ്, എച്ച്.ആര്‍ എന്നിവയില്‍ ഏതിലെങ്കിലും സ്‌പെഷലൈസേഷനോടെ പി.ജി അല്ലെങ്കില്‍ ഡിപ്ലോമയാണ് യോഗ്യത.
മാര്‍ക്കറ്റിങ് ട്രെയിനിക്ക് എം.എസ്.സി അഗ്രികള്‍ച്ചര്‍ അല്ലെങ്കില്‍ അഗ്രികള്‍ച്ചറുമായി ബന്ധപ്പെട്ട വിഷയങ്ങളില്‍ എം.എസ്.സി, അല്ലെങ്കില്‍ എം.ബി.എ, പി.ജി.ഡി.ബി.എം, ബി.എസ്.സി അഗ്രികള്‍ച്ചര്‍ എന്നിവയാണ് യോഗ്യത.
അപേക്ഷാ ഫീസ് 735 രൂപയാണ്. എസ്.സി, എസ്.ടി വിഭാഗം, വിമുക്ത ഭടന്മാര്‍, വകുപ്പുതല ഉദ്യോഗാര്‍ഥികള്‍, ശാരീരിക വെല്ലുവിളികള്‍ നേരിടുന്നവര്‍ എന്നിവര്‍ക്കു ഫീസില്ല.
അപേക്ഷിക്കാവുന്ന അവസാന തിയതി: സെപ്റ്റംബര്‍ 06.