മണ്ണാര്‍ക്കാട്: കമാലീസ് അസോസിയേഷന്‍ നല്‍കുന്ന പ്രഥമ കല്ലൂര്‍ മൊയ്തീന്‍കുട്ടി മുസ്‌ലിയാര്‍ സ്മാരക 'ആദര്‍ശ ധീര' അവാര്‍ഡ് അബ്ദുല്‍ഹമീദ് ഫൈസി അമ്പലക്കടവ് ഏറ്റുവാങ്ങി. തെയ്യോട്ടുചിറ കമ്മുസൂഫി മെമ്മോറിയല്‍ ഇസ്‌ലാമിക് കോളജിന്റെ കമാലി സനദ് ദാന സമ്മേളനത്തില്‍ കേരള വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റശീദലി ശിഹാബ് തങ്ങളാണ് അവാര്‍ഡ് സമ്മാനിച്ചത്.
ആദര്‍ശ രംഗത്ത് നല്‍കിയ സമഗ്ര സംഭാവനകള്‍ പരിഗണിച്ചാണ് അവാര്‍ഡ്.
സമസ്ത മുശാവറ അംഗം നെല്ലായ കുഞ്ഞഹമ്മദ് മുസ്‌ലിയാര്‍, ഏലംകുളം ബാപ്പു മുസ്‌ലിയാര്‍, സി.എച്ച് അബ്ദുറഹ്മാന്‍ മുസ്‌ലിയാര്‍, സി.കെ മൊയ്തുട്ടി മുസ്‌ലിയാര്‍,കുരുവമ്പലം ഉണ്ണിക്കോയ തങ്ങള്‍, അബ്ദു റഹീം ദാരിമി, മുസ്തഫ അശ്‌റഫി കക്കുപ്പടി, ഹബീബ് ഫൈസി കോട്ടോപ്പാടം, നൗഷാദ് താഴെക്കോട്, ശമീര്‍ഫൈസി കോട്ടോപ്പാടം, മുജീബ് കമാലി, അന്‍വര്‍ കമാലി, സലീം കമാലി, സിദ്ദീഖ് കമാലി സംസാരിച്ചു.