കോതമംഗലം: വാടകക്കെടുത്ത വീഡിയോ കാമറകള്‍ വിറ്റ് ആര്‍ഭാട ജിവിതം നയിച്ചുവന്ന യുവാവ് അറസ്റ്റില്‍.
കണ്ണൂര്‍ കരിയില്‍ സ്വദേശി മൂവാറ്റുപുഴ ആരക്കുഴ മൂഴിഭാഗത്ത് വാടകയ്ക്ക് താമസിക്കുന്ന റെയിസണ്‍ വില്‍സണ്‍ (20) ആണ് അറസ്റ്റിലായത്. ടി.വി ചാനലില്‍ ഷോട്ട് ഫിലിം നിര്‍മിക്കുന്നതിനെന്ന വ്യാജേന കോതമംഗലം കോഴിപ്പിളളി സ്വദേശി ബേസില്‍ വര്‍ഗീസില്‍ നിന്നും മൂന്ന് ലക്ഷം രൂപ വിലമതിക്കുന്ന വീഡിയോ കാമറ വാടകക്കെടുത്ത് ഒഎല്‍എക്‌സ് വഴി ബംഗ്ലളൂരില്‍ വില്‍പന നടത്തുകയായിരുന്നു. കേരളത്തിലും കര്‍ണാകത്തിലും തമിഴ്‌നാട്ടിലും സമാന രീതിയില്‍ കാമറകള്‍ വാടകക്കെടുത്ത് തട്ടിപ്പ് നടത്തിയിട്ടുള്ളതായി പൊലിസ് അന്വേഷണത്തില്‍ വ്യക്തമായിട്ടുണ്ട്.