തൊടുപുഴ: അന്താരാഷ്ട്ര യൂത്ത് ഹോസ്റ്റല്‍സ് അസോസിയേഷന്റെ സ്ഥാപകദിനാചരണത്തോടനുബന്ധിച്ച് ഇടുക്കി യൂത്ത് ഹോസ്റ്റല്‍സ് അസോസിയേഷന്‍ സംഘടിപ്പിച്ച ത്രിദിന മണ്‍സൂണ്‍ ട്രക്കിങ് സമാപിച്ചു.
ദേവികുളം അഡ്വഞ്ചര്‍ അക്കാദമി അങ്കണത്തില്‍ നടത്തിയ പരിപാടിയില്‍ സ്‌പെഷ്യല്‍ ഓഫിസര്‍ എ. കണ്ണന്‍ സന്ദേശം നല്‍കി. ഇടുക്കി യൂത്ത് ഹോസറ്റല്‍സ് അസോസിയേഷന്‍ പ്രസിഡന്റ് എന്‍. രവീന്ദ്രന്‍ അധ്യക്ഷനായി.യൂത്ത് ഹോസ്റ്റല്‍സ് അസോസിയേഷന്‍ സംസ്ഥാന എ.പി.സി കണ്‍വീനര്‍ ആര്‍. മോഹന്‍ ക്യാംപിന് നേതൃത്വം നല്‍കി.
ദേവികുളം മലനിരകളില്‍ നിന്ന് ആരംഭിച്ച് യെല്ലപ്പെട്ടി, ടോപ്‌സേ്റ്റഷന്‍, സെന്‍ട്രല്‍ സേ്റ്റഷന്‍, കൊരങ്ങിണി, കൊട്ടഗുഡി വില്ലേജുകളിലൂടെയാണ് സംഘം ട്രക്കിങ് നടത്തിയത്.
മുന്തലില്‍ ചേര്‍ന്ന സമാപനയോഗത്തില്‍ ട്രക്കിങില്‍ പങ്കെടുത്തവര്‍ക്കുള്ള സര്‍ട്ടിഫിക്കറ്റ് വിതരണം എന്‍. രവീന്ദ്രന്‍ നിര്‍വഹിച്ചു. ഷിജുമോന്‍ ലൂക്കോസ് സ്വാഗതവും പി.എം അബ്ദുള്‍ സമദ് നന്ദിയും പറഞ്ഞു.