കാസര്‍കോട്: പാചകവാതക സിലിണ്ടര്‍ ചോര്‍ന്നെങ്കിലും വന്‍ ദുരന്തം ഒഴിവായി. ഇന്നലെ ഉച്ചയോടെ മധൂര്‍ പുളിക്കൂറിലെ മുഹമ്മദ് കുഞ്ഞിയുടെ വീട്ടിലെ പാചക വാതക സിലിണ്ടറിലാണു ചോര്‍ച്ചയുണ്ടായത്. വീട്ടുകാര്‍ ഭക്ഷണം പാകം ചെയ്യുന്നതിനിടെയാണു സംഭവം.
ഇതേ തുടര്‍ന്നു പരിഭ്രാന്തിയിലായ വീട്ടുകാര്‍ വിവരം ഉടന്‍ തന്നെ കാസര്‍കോട്ടെ അഗ്നിരക്ഷാ സേനാ നിലയത്തില്‍ അറിയിച്ചു. ഇതേ തുടര്‍ന്ന് അഗ്നിരക്ഷാ സേനാംഗങ്ങളെത്തി സിലിണ്ടര്‍ നീര്‍വീര്യമാക്കുകയായിരുന്നു.