തേഞ്ഞിപ്പലം: ദേശീയപാതയ്ക്കരികില്‍ സ്ഥിതിചെയ്യുന്ന ചേളാരി ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ പൂട്ടു തകര്‍ത്തു മോഷണം. പ്രൊജക്ടറുകള്‍, മോണിറ്റര്‍, ഹാര്‍ഡ് ഡിസ്‌ക് കള്‍ എന്നിവ കവര്‍ച്ച ചെയ്തു. സ്‌കൂളിലെ സി.സി.ടി.വി കാമറകള്‍ തകര്‍ത്താണ് മോഷണം. ഹയര്‍ സെക്കന്‍ഡറി, വൊക്കേഷണല്‍ ഹയര്‍സെക്കന്‍ഡറി, ഹൈസ്‌കൂള്‍ വിഭാഗങ്ങളിലെ കംപ്യൂട്ടര്‍ ലാബുകളില്‍നിന്നാണ് ഉപകരണങ്ങള്‍ കവര്‍ച്ച ചെയ്തത്. സ്‌കൂളിലെ മറ്റൊരു സി.സി.ടി.വി കാമറയില്‍ മോഷ്ടാവിന്റെ ചിത്രം പതിഞ്ഞിട്ടുണ്ട്. പുലര്‍ച്ചെ 1.15നും 2.45നും ഇടയിലാണ് മോഷണം. സ്‌കൂള്‍ അധികൃതര്‍ തേഞ്ഞിപ്പലം പൊലിസില്‍ പരാതി നല്‍കി.