കൊടുങ്ങല്ലൂര്‍: വിവാഹവീട്ടില്‍ വിരുന്നുസല്‍ക്കാരത്തിനിടയില്‍ സംഘം ചേര്‍ന്ന് മാരകായുധങ്ങളുപയോഗിച്ച് യുവാവിനെ മര്‍ദിച്ച സംഭവത്തില്‍ നാലു പേരെ പൊലിസ് അറസ്റ്റു ചെയ്തു. കൂളിമുട്ടം എമ്മാട് മംഗലംപുള്ളി നിഷാദ് (26), കുഞ്ഞയിനി ആലിപ്പറമ്പില്‍ വിഷ്ണു (24), മണ്ണാട്ടറ വിഷ്ണു (24), ടി.എസ് സനല്‍കുമാര്‍ (19) എന്നിവരെയാണ് കൊടുങ്ങല്ലൂര്‍ എസ്.ഐ കെ.ജെ ജിനേഷും സംഘവും ചേര്‍ന്ന് അറസ്റ്റ് ചെയ്തത്. കൊടുങ്ങല്ലൂര്‍ ഒന്നാംക്ലാസ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്തു. കുഞ്ഞയിനിയിലെ ഒരു വിവാഹവീട്ടിലെ വിരുന്നുസല്‍ക്കാരത്തിനിടിയില്‍ ഓഗസ്റ്റ് 27 ന് ഉച്ചക്ക് എല്‍തുരുത്ത് തേവാലില്‍ അജിത്ത് (47) നെയാണ് ഇവര്‍ മര്‍ദിച്ചിരുന്നത്.