കൊച്ചി: സ്വാശ്രയ മെഡിക്കല്‍ കോളജുകളില്‍ ബാങ്ക് ഗ്യാരണ്ടി ഇല്ലാത്തതുകൊണ്ട് ഒരു വിദ്യാര്‍ഥിയുടേയും പ്രവേശനം തടസ്സപ്പെടില്ലെന്ന് സര്‍ക്കാര്‍ ഹൈക്കോടതിയെ അറിയിച്ചു. അര്‍ഹരായ എല്ലാ വിദ്യാര്‍ഥികള്‍ക്കും മെഡിക്കല്‍ പ്രവേശനം ഉറപ്പാക്കും കോളജുകളുമായി ചര്‍ച്ച നടത്തിവരികയാണ്. അല്‍പ്പം കൂടി സമയം നല്‍കണമെന്നും സര്‍ക്കാര്‍ കോടതിയെ അറിയിച്ചു.

സ്വാശ്രയ പ്രശ്‌നവുമായി ബന്ധപ്പെട്ട് പ്രതിപക്ഷ നേതാവ് രമേശ് ചെന്നിത്തല നല്‍കിയ ഹരജി പരിഗണിച്ചപ്പോഴാണ് അഡ്വ ജനറല്‍ സര്‍ക്കാര്‍ നിലപാട് കോടതിയെ അറിയിച്ചത്.

കോഴ വാങ്ങി സീറ്റ് നല്‍കുന്നവരുടെ പ്രവേശനം റദ്ദാക്കുമെന്ന് ആരോഗ്യമന്ത്രി കെ.കെ ശൈലജ തിരുവനന്തപുരത്ത് അറിയിച്ചിരുന്നു.