എടവണ്ണപ്പാറ: ബസിന് പിറകില്‍ സ്‌കൂട്ടര്‍ ഇടിച്ച് അപകടം. യാത്രക്കാരന്‍ നിസാര പരുക്കുകളോടെ അത്ഭുതകരമായി രക്ഷപ്പെട്ടു. ഇന്നലെ രാവിലെ 6.30ന് എടവണ്ണപ്പാറ ബസ് സ്റ്റാന്‍ഡ് പരിസരത്താണ് സംഭവം. നിര്‍ത്തിയിട്ട ബസിന് പിറകില്‍ അമിത വേഗതയില്‍ വന്ന സ്‌കൂട്ടര്‍ ഇടിച്ച് കയറുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.
സമീപത്തെ ഓട്ടോറിക്ഷ ഡ്രൈവര്‍മാരും നാട്ടുകാരും ചേര്‍ന്ന് ബസിന്റെ ടയറിന്റെ ഉള്ളിലേക്ക് പോയ സ്‌കൂട്ടര്‍ വലിച്ച് പുറത്തെടുക്കുകയായിരുന്നു. സാരമായി പരുക്കേറ്റ യാത്രക്കാരനെ എടവണ്ണപ്പാറയിലെ സ്വകാര്യ ആശുപത്രിയിലും പിന്നീട് വിദഗ്ധ ചികിത്സക്കായി കോഴിക്കോട് മെഡിക്കല്‍ കോളജിലേക്ക് കൊണ്ടുപോയി.