മലപ്പുറം: അറഫാദിനമായ ഇന്ന് വെള്ളുവമ്പ്രം അത്താണിക്കല്‍ എം.ഐ.സി കാംപസില്‍ പ്രാര്‍ഥനാ സദസ് നടക്കും. രാവിലെ ഒന്‍പതിന് നടക്കുന്ന പരിപാടി മഖ്ദൂമിയ്യ ഇസ്‌ലാമിക് കോംപ്ലക്‌സ് പ്രസിഡന്റ്  പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. പ്രാര്‍ഥനാസദസിന് ഏലംകുളം  ബാപ്പു മുസ്‌ലിയാര്‍, സയ്യിദ് മാനു തങ്ങള്‍ വെള്ളൂര്‍ നേതൃത്വം നല്‍കും. ഷാജഹാന്‍ റഹ്മാനി കംബ്ലക്കാട്  പ്രഭാഷണം നടത്തും. ദിക്‌റ്  ദുആ മജ്‌ലിസ്, മജ്‌ലിസുന്നൂര്‍, നസ്വീഹത്ത് എന്നിവ നടക്കും. ഇന്നലെ വൈകീട്ട് മതപ്രഭാഷണം ടി.വി ഇബ്‌റാഹീം എം.എല്‍.എ ഉദ്ഘാടനം ചെയ്തു. ഹസന്‍ സഖാഫി അധ്യക്ഷനായി. ഹാഫിസ് അഹമ്മദ് കബീര്‍ ബാഖവി കാഞ്ഞാര്‍ പ്രഭാഷണം നടത്തി.