മംഗളൂരു: ദക്ഷിണ കന്നഡ ജില്ലകളില്‍ മഴ കനത്തതോടെ കനത്ത നാശനഷ്ടം നേരിടുന്നു. ഒരാഴ്ചക്കിടെ ദക്ഷിണ കന്നഡയിലെ ബണ്ട്വാള്‍, സുള്ള്യ, പുത്തൂര്‍ താലൂക്ക് തുടങ്ങിയ ഭാഗങ്ങളിലൊക്കെയും കനത്ത മഴയാണ് ഉണ്ടായത്. ശക്തമായ മഴയുംകാറ്റും ഉണ്ടായതോടെ ഈ ഭാഗങ്ങളില്‍ കൃഷി നാശത്തിനു പുറമേ വീടുകള്‍ തകര്‍ന്നും മറ്റും കനത്ത നാശമുണ്ടായിട്ടുണ്ട്. വീടു തകര്‍ന്നു വീണു സുള്ള്യ താലൂക്കിലെ മാര്‍ക്കനച്ച കൊട്ടറികെ സ്വദേശിയായ  എഴുപത്തഞ്ചുകാരന്‍ മരിച്ചിരുന്നു. മഴയില്‍ വന്‍ കൃഷി നാശമുണ്ടായതോടെ കൃഷി ചെയ്തു ഉപജീവനം നടത്തുന്നവര്‍ ദുരിതത്തിലായി.