ഇന്ത്യന്‍ യൂത്ത് കള്‍ച്ചറല്‍ കോണ്‍ഗ്രസ്സ് ബഹ്‌റൈന്‍ ദേശീയ കമ്മിറ്റി ചാരിറ്റി വിംഗിന്റെ ആഭിമുഖ്യത്തില്‍ ഓണം-ബക്രീദ് കിറ്റുകള്‍ വിതരണം ചെയ്തു.

തൃശൂര്‍ ജില്ലയിലെ തളിക്കുളം തീരദേശമേഖലയില്‍ പ്രിയദര്‍ശിനി സ്മാരകസമിതി ആഫീസ് അങ്കണത്തില്‍ വെച്ചായിരുന്നു കിറ്റ് വിതരണം.

ഡിസിസി പ്രസിഡന്റ് ടി എന്‍ പ്രതാപന്‍ വിതരണം ഉദ്ഘാടനം നിര്‍വ്വഹിച്ചു. തീരദേശ മേഖലയിലേ നൂറിലേറെ കുടുംബങള്‍ക്ക് കിറ്റുകള്‍ വിതരണം ചെയ്തു.

ഐവൈസിസി മുന്‍ വൈസ് പ്രസിഡന്റ് ശ്രീ ഷബീര്‍ മുക്കന്‍ അധ്യക്ഷത വഹിച്ചു. റിഫ ഏരിയാ ജനറല്‍ സെക്രട്ടറി നിധീഷ് ചന്ദ്രന്‍, ഡി.സി.സി. സെക്രട്ടറി അനില്‍ പുളിക്കല്‍, യൂത്ത് കോണ്‍ഗ്രസ്സ് സംസ്ഥാന സെക്രട്ടറി ശ്രീ. സുനില്‍ ലാലൂര്‍ പ്രസംഗിച്ചു. ഐവൈസിസി ചാരിറ്റി വിംഗ് കണ്‍വീനര്‍ ഷിഹാബ് കറുകപ്പത്തൂരിന്റെ നേതൃത്വത്തില്‍ ആയിരുന്നു നൂറോളം കിറ്റുകള്‍ക്കുളള ധനസമാഹരണം നടത്തിയത്.