റിയാദ്: സഊദിയില്‍ മലയാളി യുവാവ് എയര്‍ കണ്ടീഷന്‍ വാതകം ശ്വസിച്ചു മരിച്ചു. ഓണത്തിന് നാട്ടില്‍ പോകാനിരിക്കെയാണ് ദുരന്തം വന്നെത്തിയത്. ഇടുക്കി എട്ടാനിയില്‍ പാമ്പുങ്കയം ടിന്‍സ് ജോസഫ് ആണ് മരിച്ചത്. റൂമില്‍ മരിച്ച നിലയിലായിരുന്നു മൃതദേഹം കണ്ടെത്തിയത്. കഴിഞ്ഞ രണ്ടു വര്‍ഷമായി സഊദിയില്‍ ഡ്രൈവര്‍ ജോലി ചെയ്തു വരികയായിരുന്നു. എട്ടാനിയില്‍ ജോസഫ്-മോളി ദമ്പതികളുടെ മകനാണ്. ടിന്റു സഹോദരിയാണ്.