തൃശൂര്‍: വിദേശത്ത് ഹോട്ടലില്‍ ജോലി വാഗ്ദാനം ചെയ്ത 72 ലക്ഷം രൂപ തട്ടിയ കേസില്‍ പ്രതിയെ തൃശൂര്‍ ഈസ്റ്റ് പൊലിസ് അറസ്റ്റ് ചെയതു. ഇരവിമംഗലം സ്വദേശി പനംതോട്ടം വീട്ടില്‍ ഷിബു ജേക്കബാണ് അറസ്റ്റിലായത്. ന്യൂസിലന്‍ഡില്‍ ജോലി നല്‍കാമെന്ന് പറഞ്ഞ് വിശ്വസിപ്പിച്ച് ആളുകളില്‍ നിന്ന് പന്ത്രണ്ടര ലക്ഷം വീതം വാങ്ങുകയായിരുന്നു. തുടര്‍ന്ന് പരിശീലനത്തിനെന്ന് പറഞ്ഞ് ഇന്തോനേഷ്യയിലേക്ക് കൊണ്ടുപോയി. പരിശീലനത്തിന് ശേഷം ന്യൂസിലന്‍ഡില്‍ പോകാമെന്ന ഉറപ്പിലാണ് കൊണ്ടുപോയത്. എന്നാല്‍ ഇവിടെയെത്തിയ ഉദ്യോഗാര്‍ഥികള്‍ ന്യൂസിലന്‍ഡില്‍ പോകാനാവാതെ കുടുങ്ങുകയായിരുന്നു. ഇതോടെ സ്വന്തം ചെലവില്‍ നാട്ടിലേക്ക് മടങ്ങിയ ഉദ്യോഗാര്‍ഥികള്‍ പൊലിസില്‍ പരാതി നല്‍കുകയായിരുന്നു.