ലണ്ടന്‍: ഇംഗ്ലണ്ട് അന്താരാഷ്ട്ര താരം അലെക്‌സ് ഓക്‌സ്‌ലെഡ് ചേംബര്‍ലെയ്ന്‍ ആഴ്‌സണല്‍ വിട്ട് ലിവര്‍പൂളിലേക്ക് ചേക്കേറി.
താര കൈമാറ്റത്തിന്റെ അവസാന ദിനത്തിലാണ് താരത്തെ ലിവര്‍പൂള്‍ സ്വന്തം പാളയത്തിലെത്തിച്ചത്. ആറ് വര്‍ഷമായി ആഴ്‌സണലിന്റെ മധ്യനിര താരമായും വിങറായും നിറഞ്ഞു കളിക്കുന്ന 24കാരന്റെ കൈമാറ്റ തുക സംബന്ധിച്ച വിവരങ്ങളൊന്നും ക്ലബ് പുറത്തുവിട്ടിട്ടില്ല. അഞ്ച് വര്‍ഷത്തെ കരാറിലാണ് താരം പാളയം മാറിയത്. 2011 മുതല്‍ ഗണ്ണേഴ്‌സ് ടീമിലുള്ള ചേംബര്‍ലെയ്ന്‍ 132 മത്സരങ്ങളില്‍ നിന്ന് ഒന്‍പത് ഗോളുകള്‍ നേടിയിട്ടുണ്ട്.