മഡ്ഗാവ്: മുന്‍ ബാഴ്‌സലോണ ബി ടീം മധ്യനിര താരം എഡ്വാര്‍ഡോ ബെദിയ ഐ.എസ്.എല്‍ ടീം എഫ്.സി ഗോവയില്‍. നാലാം സീസണിലേക്കുള്ള ടീമിലേക്ക് ഏഴാമത്തെ വിദേശ താരമായാണ് 28 കാരനായ സ്പാനിഷ് മധ്യനിര താരമെത്തുന്നതെന്ന് ക്ലബ് ഔദ്യോഗിക ട്വിറ്റര്‍ പേജിലൂടെ വ്യക്തമാക്കി. റെയ്‌സിങ് സന്റാന്റര്‍ യൂത്ത് അക്കാദമിയിലൂടെ കളിച്ചു വന്ന ബെദിയ ബാഴ്‌സലോണ ബി ടീമിനായി 40ഓളം മത്സരങ്ങള്‍ കളിച്ചിട്ടുണ്ട്.
ഐ.എസ്.എല്‍ നാലാം സീസണില്‍ ഗോവന്‍ ടീമില്‍ കളിക്കാനെത്തുന്ന നാലാമത്തെ സ്പാനിഷ് താരം കൂടിയാണ് ബെദിയ.