മട്ടാഞ്ചേരി: പാലിയേറ്റീവ് കെയര്‍ ചികത്സയില്‍ കഴിയുന്ന രോഗികള്‍ക്ക് സ്വാന്തന തൂവല്‍ സ്പര്‍ഷവുമായി മട്ടാഞ്ചേരി ടി.ഡി ഹൈസ്‌ക്കൂളിലെ വിദ്യാര്‍ഥികള്‍.
ഫോര്‍ട്ടുകൊച്ചി താലൂക്ക് ആശുപത്രിയില്‍ നടന്ന ചടങ്ങിലാണ് മുപ്പതോളം പേര്‍ക്ക് കുട്ടികള്‍ സൗജന്യ ഓണകിറ്റുകള്‍ വിതരണം ചെയ്തു. ഓണനാളില്‍ കാരുണ്യത്തിന്റെ വിത്തു വിതറിയ കുട്ടികളെ നാട്ടുകാരും അഭിനന്ദിച്ചു.
ആശുപത്രി സൂപ്രണ്ട് ഡോ. രാജേഷ് ചടങ്ങ് ഉദ്ഘാടനം ചെയ്തു. പ്രധാന അദ്ധ്യാപിക എ.എം വനജ അധ്യക്ഷത വഹിച്ചു.
സ്‌കൂള്‍ പി.ടി.എ പ്രസിഡന്റ് ദിനേശ് ഷേണായി, അധ്യാപകന്‍ ദിനേശ് എന്‍.പൈ, നേഴ്‌സിങ്് സൂപ്രണ്ട് ഡാര്‍ളി ,ചീക്കു ആനന്ദശേരി, സിസിലി പോള്‍ എന്നിവര്‍ സംസാരിച്ചു.
മാവേലിയുടെയും വാമനന്റെയും വേഷത്തിലെത്തിയ വിദ്യാര്‍ഥികള്‍ ആശുപത്രിയില്‍ കഴിയുന്ന രോഗികളെയും സന്ദര്‍ശിച്ചു.