തിരൂര്‍: മാര്‍ക്കറ്റ് റോഡ് ഫുട്പാത്തില്‍ വഴിയാത്രക്കാരന്റെ കാല്‍ കുടുങ്ങി. ഇന്നലെ ഉച്ചയോടെയായിരുന്നു സംഭവം. നടന്നുപോകുന്നതിനിടെ യുവാവിന്റെ കാല്‍ ഫുട്പാത്ത് സ്ലാബുകള്‍ക്കിടയിലെ വിടവില്‍ കുടുങ്ങുകയായിരുന്നു.
മറ്റു യാത്രക്കാരും മാര്‍ക്കറ്റിലെ കച്ചവടക്കാരും ചേര്‍ന്നാണ് കോണ്‍ക്രീറ്റ് സ്ലാബുകള്‍ക്കിടയില്‍നിന്നു യുവാവിന്റെ കാല്‍ ഏറെ പണിപ്പെട്ടു പുറത്തെടുത്തത്. ഫുട്പാത്തില്‍ സ്ലാബുകള്‍ക്കിടയില്‍ വിടവുള്ളതു കാല്‍നടയാത്രക്കാര്‍ക്ക് അപകട ഭീഷണിയാണ്.