കൊണ്ടോട്ടി: മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി ഓണാഘോഷം തിരുവനന്തപുരത്തും തലശ്ശേരിയിലുമായി നടക്കും. ഓണാഘോഷത്തിന്റെ ഭാഗമായി വിനോദസഞ്ചാര വകുപ്പ് തിരുവനന്തപുരം നിശാഗന്ധി ഓഡിറ്റോറിയത്തില്‍ സംഘടിപ്പിച്ച വാരാഘോഷത്തില്‍ സെപ്റ്റംബര്‍ ആറിനു വൈകിട്ട് ഏഴിനു മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി അവതരപ്പിക്കുന്ന അറബനമുട്ട്, ദഫ്മുട്ട് എന്നിവ അരങ്ങേറും.
പത്തിനു നടക്കുന്ന സംസ്ഥാന ചലച്ചിത്ര അക്കാദമി അവാര്‍ഡ് വിതരണത്തോടനുബന്ധിച്ചു തലശ്ശേരി മുനിസിപ്പല്‍ സ്റ്റേഡിയത്തില്‍ എട്ടിനു വൈകിട്ട് ഏഴിനു കേരളാ ചലച്ചിത്ര അക്കാദമിയുടെ സഹകരണത്തോടെ വൈദ്യര്‍ മാപ്പിളകലാ അക്കാദമി ഇശല്‍ നൈറ്റ് സംഘടിപ്പിക്കും. പഴയകാല മലയാള സിനിമയിലെ മാപ്പിളപ്പാട്ടുകള്‍ കോര്‍ത്തിണക്കിയുള്ള പരിപാടിയാണിത്. പ്രമുഖ ഗായകര്‍ പങ്കെടുക്കും.