കാസര്‍കോട്: അജ്ഞാതന്‍ പുഴയില്‍ ചാടിയ വിവരം ലഭിച്ചതിനെ തുടര്‍ന്ന് പൊലിസ്, അഗ്‌നിരക്ഷാ ശമന സേന എന്നിവരുടെ നേതൃത്വത്തില്‍ തെരച്ചില്‍ തുടങ്ങി. ഇന്ന് രാവിലെ എട്ടോടെയാണ് കാസര്‍കോട് ചന്ദ്രഗിരി പാലത്തിനു മുകളില്‍ നിന്നും അജ്ഞാതന്‍ പുഴയില്‍ ചാടിയത്. സംഭവം നേരില്‍ കണ്ട ഒരാള്‍ പൊലിസില്‍ വിവരം അറിയിക്കുകയായിരുന്നു.

കാസര്‍കോട് അഗ്‌നിരക്ഷാ നിലയം അസിസ്റ്റന്റ് സ്‌റ്റേഷന്‍ ഓഫിസര്‍ പി വി അശോകന്‍, ഫയര്‍മാന്‍മാരായ ഉമേശന്‍, ഗണേശന്‍ കിണറ്റിന്‍കര, വി.സുരേഷ് കുമാര്‍, സജിത്ത്, ഹോം ഗാര്‍ഡുമാരായ രാമചന്ദ്രന്‍, അനന്തന്‍, രവീന്ദ്രന്‍ എന്നിവരും, കാസര്‍കോട് ടൗണ്‍ എസ്.ഐയുടെ നേതൃത്വത്തിലുള്ള പൊലിസ് സംഘവും പ്രദേശവാസികളുടെ സഹായത്തോടെ തെരച്ചില്‍ നടത്തി വരുകയാണ്.