ഷിംല: ഛണ്ഡീഗഡ് - ഷിംല ദേശീയപാതയില്‍ വന്‍ മണ്ണിടിച്ചില്‍. മണ്ണിടിച്ചിലില്‍ പാതയില്‍ നിര്‍ത്തിയിട്ടിരുന്ന നിരവധി വാഹനങ്ങളും പാതയ്ക്കു സമീപത്തെ ക്ഷേത്രത്തില്‍ ഒരു ഭാഗവും തകര്‍ന്നു. എന്നാല്‍, സംഭവത്തില്‍ ആര്‍ക്കും പരുക്കേറ്റതായി റിപ്പോര്‍ട്ട് ചെയ്തിട്ടില്ല. ഷിംലയിലെ ഭട്ടാകുഫെറിനു സമീപമായിരുന്നു അപകടം.

വെള്ളിയാഴ്ചയുണ്ടായ ശക്തമായ മഴയെ തുടര്‍ന്ന് റോഡ് വഴിയുള്ള ഗതാഗതം പൂര്‍ണമായും തടസപ്പെട്ടിരുന്നു.