കൊച്ചി: പീഡനത്തിനിരയായ നടിയെ തിരിച്ചറിയുന്ന രീതിയില്‍ പ്രസ്താവന നടത്തിയ പി.സി ജോര്‍ജ് എം.എല്‍.എക്കെതിരെ നെടുമ്പാശ്ശേരി പൊലിസ് കേസെടുത്തു.
അതിക്രമത്തിന് ഇരയായ നടി മുഖ്യമന്ത്രിക്കു നല്‍കിയ പരാതിയുടെ അടിസ്ഥാനത്തിലാണ് നടപടി. നെടുമ്പാശേരി പൊലിസണ് കേസ് റജിസ്റ്റര്‍ ചെയ്തിരിക്കുന്നത്. നടിയുടെ പേരു വെളിപ്പെടുത്തിയ ചലച്ചിത്രതാരം അജു വര്‍ഗീസിനെ കഴിഞ്ഞ ദിവസം അറസ്റ്റു ചെയ്ത് ജാമ്യത്തില്‍ വിട്ടിരുന്നു.
ഇതിനു പിന്നാലെയാണ് സമാന കുറ്റത്തിന്റെ പേരില്‍ പി.സി ജോര്‍ജിന്റെ പേരിലും കേസ് റജിസ്റ്റര്‍ ചെയ്തിരിക്കുന്നത്.