തിരുവനന്തപുരം: കഴിഞ്ഞ 15 മാസമായി കെ.എസ്.ആര്‍.ടി.സിയോടും, തൊഴിലാളികളോടും കാണിക്കുന്ന അവഗണനയ്ക്കും വാഗ്ദാന ലംഘനത്തിനുമെതിരെ ഐ.എന്‍.ടി.യു.സി നേതൃത്വത്തിലുള്ള ട്രാന്‍സ്‌പോര്‍ട്ട് ഡെമോക്രാറ്റിക് ഫെഡറേഷന്റെ (ടി.ഡി.എഫ്) നേതൃത്വത്തില്‍ തിരുവോണനാളില്‍ രാവിലെ ആറുമുതല്‍ വൈകിട്ട് ആറുവരെ പട്ടിണി സമരം നടത്തും.
പട്ടിണി സമരത്തിന്റെ സംസ്ഥാനതല ഉദ്ഘാടനം സെക്രട്ടറിയേറ്റിന് മുന്‍പില്‍ രാവിലെ പത്തിന് കെ.പി.സി.സി പ്രസിഡന്റ് എം.എം ഹസന്‍ നിര്‍വഹിക്കും.