ചാവക്കാട്: കെ.എം.സി.സി അബൂദാബി തൃശൂര്‍ ജില്ലാ കമ്മിറ്റിയുടെ പ്രതിഭാസംഗമം സെപ്റ്റംബര്‍ ആറിന് ചാവക്കാട് നടക്കുമെന്ന് മുസ്‌ലിം ലീഗ് ജില്ലാ ജനറല്‍ സെക്രട്ടറി ഇ.പി കമറുദ്ധീന്‍, കെ.എം.സി.സി അബൂദാബി തൃശൂര്‍ ജില്ലാ പ്രസിഡന്റ് കെ.കെ ഹംസകുട്ടി, ജനറല്‍ കണ്‍വീനര്‍ സി.ബി.എ ഫത്താഹ്, കോ ഓഡിനേറ്റര്‍ പി.കെ ബഷീര്‍ എന്നിവര്‍ വാര്‍ത്താ സമ്മേളനത്തില്‍ അറിയിച്ചു.
ചാവക്കാട് വ്യാപാരി ഹാളില്‍ വൈകിട്ട് 2.30 ന് നടക്കുന്ന പ്രതിഭാ സംഗമം ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും. വഖഫ് ബോര്‍ഡ് ചെയര്‍മാന്‍ റഷീദലി ശിഹാബ് തങ്ങള്‍ മുഖ്യാതിഥിയായിരിക്കും. മുസ്‌ലിം ലീഗ് ജില്ലാ ജില്ലാ പ്രസിഡന്റ് സി.എച്ച് റഷീദ് അവാര്‍ഡ്ദാന വിതരണവും, പ്രെഫസര്‍ ആബിദ് ഹുസൈന്‍ തങ്ങള്‍ എം.എല്‍.എ സ്‌കോളര്‍ഷിപ്പ് വിതരണവും നിര്‍വഹിക്കും. മുസ്‌ലിം ലീഗ് സംസ്ഥാന സെക്രട്ടറി കെ.എസ് ഹംസ മുഖ്യപ്രഭാഷണം നടത്തും. അഡ്വ പി.എം സാദിഖലി, അഡ്വ ഫാത്തിമ്മ തഹ്‌ലിയ, ഉമ്മര്‍ മുക്കണ്ടത്ത്, പി.കെ അബൂബക്കര്‍ ഹാജി, ഇ.പി മൂസ ഹാജി, എ.വി അബൂബക്കര്‍ ഖാസിമി, പി.കെ കരീം, പി.എ ഷാഹുല്‍ ഹമ്മീദ്, വി.കെ മുഹമ്മദ്, പി.എ അബ്ദുല്‍ കരീം, അഷറഫലി, അഫ്‌സല്‍ യൂസഫ്, എന്‍.പി ഉമ്മര്‍ ഹാജി, എന്‍ കുഞ്ഞിമുഹമ്മദ്, എന്നിവര്‍ സംബന്ധിക്കും. ജില്ലയില്‍ നിന്നും എസ്.എസ്.എല്‍.സി, പ്ലസ് ടൂ പരീക്ഷകളില്‍ എല്ലാവിഷയങ്ങളിലും എപ്ലസ് കരസ്ഥമാക്കിയ വിദ്യാര്‍ഥികളെയാണ് പ്രതിഭാസംഗമത്തില്‍ ഉപഹാരം നല്‍കി ആദരിക്കുന്നത്. ജീവകാരുണ്യ രംഗത്ത് മികച്ച പ്രവര്‍ത്തനങ്ങള്‍ കാഴ്ച വെക്കുന്ന കെ.എം.സി.സി വിദ്യഭ്യാസ മേഖലയിലുംവലിയ പ്രേത്സാഹനമാണ് നല്‍കുന്നത്. കെ.എം.സി.സി അബൂദാബി തൃശൂര്‍ ജില്ലാ കമ്മിറ്റിയുടെ നേതൃത്വത്തില്‍ ഗുരുവായൂര്‍ നിയോജക മണ്ഡലത്തില്‍ നിരവധി പ്രവര്‍ത്തനങ്ങള്‍ കാഴ്ച്ചവെച്ചിട്ടുണ്ട്.