ആറ്റിങ്ങല്‍: നിരന്തരം ട്രാഫിക് കുരുക്ക് അനുഭപ്പെട്ടു കൊണ്ടിരുന്ന ആറ്റിങ്ങലിന് വേറിട്ടൊരു അനുഭവമായി ഇപ്രാവശ്യം ഓണത്തോടനു ബന്ധിച്ച് ആറ്റിങ്ങല്‍ പൊലിസ് ഒരുക്കിയ ട്രാഫിക് പരിഷ്‌ക്കാരങ്ങളും ട്രാഫിക് നിയന്ത്രണ സംവിധാനങ്ങളും.
ട്രാഫിക് പൊലിസിനോടൊപ്പം ഹോം ഗാര്‍ഡുകള്‍, ട്രാഫിക് വാര്‍ഡന്‍മാര്‍ ഇവര്‍ക്കൊപ്പം ആറ്റിങ്ങല്‍ ആര്‍.ടി.ഒയുടെ നേതൃത്വത്തില്‍ അഞ്ച് സീബ്രാമാന്‍മാര്‍, ആറ്റിങ്ങല്‍ പൊലിസിന്റെ തന്നെ സോഫ്റ്റ് വോളന്റിയര്‍മാര്‍ എന്നിങ്ങനെ വിപുലമായ സംവിധാനങ്ങളാണ് ട്രാഫിക് നിയന്ത്രിക്കുന്നതിന് ആറ്റിങ്ങലില്‍ ഏര്‍പ്പെടുത്തിയി രിക്കുന്നത്.ഇതോടൊപ്പം തന്നെ പൊലിസ് സ്റ്റേഷനില്‍ നിയന്ത്രിക്കുന്ന സി.സി.ടി വി ദൃശ്യങ്ങള്‍ പരിശോധിച്ച് അപ്പപ്പോള്‍ റോഡില്‍ ട്രാഫിക് നിയന്ത്രിക്കുന്നവര്‍ക്ക് നിര്‍ദ്ദേശങ്ങളും നല്‍കുന്നു.
ഇതു മൂലം ചെറിയ തോതില്‍ വാഹനങ്ങള്‍ നീങ്ങി നിരങ്ങി നീങ്ങുന്നതല്ലാതെ ആറ്റിങ്ങല്‍ കടക്കാന്‍ മണിക്കൂറുകള്‍ എടുക്കാറില്ല. ആറ്റിങ്ങല്‍ സി.ഐ അനില്‍ കുമാറും സഹപ്രവര്‍ത്തകരുടേയും അസ്രാന്ത ശ്രമം അഭിനന്ദനാര്‍ഹമാണെന്ന് യാത്രക്കാര്‍ പറയുന്നു.