കൊളംബോ: ശ്രീലങ്കന്‍ അവസാന മത്സരത്തിനിറങ്ങിയ ഇന്ത്യയ്ക്ക് കൊളംബോയില്‍ വിജയിക്കാന്‍ 239 റണ്‍സ്. ടോസ് നേടി ബാറ്റിങ് തെരഞ്ഞെടുക്കുകയായിരുന്നു ശ്രീലങ്ക. ഇന്ത്യയ്ക്ക് വേണ്ടി ബൗളര്‍ ഭുവനേശ്വര്‍ കുമാര്‍ അഞ്ച് വിക്കറ്റ് വീഴ്ത്തി. ഭുവനേശ്വറിന്റെ നേതൃത്വത്തില്‍ ശ്രീലങ്കയെ 49.4 ഓവറില്‍ 239 റണ്‍സിന് ശ്രീലങ്കയെ കൂടാരത്തിലേക്ക് പറഞ്ഞയയ്ക്കുകയായിരുന്നു ഇന്ത്യന്‍ ബൗളര്‍മാര്‍.

ആദ്യം ബാറ്റ് ചെയ്ത ശ്രീലങ്കയ്ക്ക് വേണ്ടി ലഹിരു തിരുമന്നെ (67), എയ്ഞ്ചലോ മാത്യൂസ് (55) എന്നിവര്‍ അര്‍ധസെഞ്ച്വറി നേടി. നായകന്‍ ഉപുല്‍ തരംഗ 48 റണ്‍സ് നേടി ടീംടോട്ടലിന് മികച്ച പിന്തുണ നല്‍കി. എന്നാല്‍ ഇവര്‍ക്ക് ശേഷം വന്ന ബാറ്റ്‌സ്മാന്‍മാര്‍ പിടിച്ചു നില്‍ക്കാന്‍ ശ്രമിക്കാതെ കൂടാരം കയറുകയായിരുന്നു.

ഭുവനേശ്വര്‍ കുമാര്‍ അഞ്ച് വിക്കറ്റ് വീഴ്ത്തിയപ്പോള്‍ ബുംറ രണ്ടും കുല്‍ദീപ് യാദവ്, യുസ്‌വേന്ദ്ര ചാഹല്‍ ഓരോ വിക്കറ്റ് വീതവും വീഴ്ത്തി.