ന്യൂയോര്‍ക്ക്: യു.എസ് ഓപ്പണില്‍ ഇതിഹാസ താരം റോജര്‍ ഫെഡറര്‍ ക്വാര്‍ട്ടര്‍ ഫൈനലില്‍. ജര്‍മന്‍ താരം കോള്‍ ഷ്‌റൈബറിനെയാണ് ഫെഡറര്‍ തോല്‍പ്പിച്ചത്. സ്‌കോര്‍: 6-4, 6-2, 7-5.

ക്വാര്‍ട്ടറില്‍ അര്‍ജന്റീനിയന്‍ താരം ജുവാന്‍ മാര്‍ട്ടിന്‍ ദെല്‍ പൊട്രോയെയാണ് ഫെഡറര്‍ നേരിടുക. ഇതോടെ രണ്ടു ഇതിഹാസങ്ങളുടെ മത്സരങ്ങള്‍ സെമിഫൈനലില്‍ കാണാമെന്ന പ്രതീക്ഷയിലാണ് കാണികള്‍. സ്‌പെയിനിന്റെ കളിമണ്‍ കോര്‍ട്ടിലെ രാജകുമാരനായ റാഫേല്‍ നദാല്‍ ക്വാര്‍ട്ടറില്‍ വിജയിക്കുകയാണെങ്കില്‍ സെമിഫൈനലില്‍ നദാലിന്റെ എതിരാളി റോജര്‍ ഫെഡററായിരിക്കും.

റഷ്യയുടെ കൗമാരതാരമായ അന്‍ഡ്രി റുബ്ലേവ് ആണ് ക്വാര്‍ട്ടറില്‍ റാഫേല്‍ നദാലിന്റെ എതിരാളി.