റിയാദ്: സഊദിയില്‍ മദാഇന്‍ സ്വാലിഹിന് റോഡില്‍ നടന്ന വാഹനാപകടത്തില്‍ മംഗലാപുരം സ്വദേശികളായ മരിച്ചു. ഉഡുപ്പി സ്വദേശികളായ ബഷീര്‍ (36), സുഹൃത്ത് റഫീഖിന്റെ ഭാര്യ ചന്ദ്രമതി ശ്രീകൃഷ്ണന്‍ (ജാസ്മിന്‍ -30) എന്നിവരാണ് മരിച്ചത്. തിങ്കളാഴ്ച്ച ഉച്ചക്ക് തബൂക്കില്‍ നിന്നും 80 കിലോമീറ്റര്‍ അകലെയാണ് സംഭവം.

അപകടത്തില്‍ ഗുരുതര പരിക്കേറ്റ സുഹൃത്തുക്കളായ ഷാനവാസ്, റഷീദ് എന്നിവരെ കിംഗ് ഖാലിദ് ആശുപത്രിയിലും നിസാര പരുക്കേറ്റ റഫീഖിനെ തബൂക്ക് കിംഗ് ഫഹദ് ആശുപത്രിയിലും പ്രവേശിപ്പിച്ചു.

ജിദ്ദയില്‍ നിന്നും മദാഇന്‍ സ്വാലിഹ് യാത്രക്കിടെ ഇവര്‍ സഞ്ചരിച്ച വാഹനത്തിന്റെ ടയര്‍ പൊട്ടി മറ്റൊരു വാഹനത്തിലിടിച്ചാണ് അപകടം. അപകടത്തില്‍ ഇവരുടെ വാഹനം പൂര്‍ണ്ണമായും കത്തിയതായാണ് വിവരം. മരിച്ചവരുടെ മൃതുദേഹങ്ങള്‍ കിംഗ് ഫഹദ് ആശുപത്രിയില്‍ സൂക്ഷിച്ചിരിക്കുകയാണ്.