കണ്ണൂര്‍: റോഹിംഗ്യന്‍ മുസ്‌ലിങ്ങള്‍ക്കെതിരേ മ്യാന്‍മര്‍ ഭരണകൂടം നടത്തുന്ന പൈശാചിക ആക്രമണങ്ങള്‍ക്കും കൊലപാതകങ്ങള്‍ക്കുമെതിരേ ഐക്യരാഷ്ട്ര സംഘടനകള്‍ ഉള്‍പ്പടെയുള്ള സംഘങ്ങള്‍ ഇടപെടണമെന്ന് എസ്.വൈ.എസ് ജില്ലാ സെക്രട്ടറിയേറ്റ് ആവശ്യപ്പെട്ടു. 14ന് രാത്രി ജില്ലയിലെ മുഴുവന്‍ മഹല്ലുകളിലും പ്രാര്‍ഥനാ സദസും മജ്‌ലിസുന്നൂറും നടത്താന്‍ മഹല്ല് ജമാഅത്തുകളോടും എസ്.വൈ.എസ്, എസ്.കെ.എസ്.എസ്.എഫ് ശാഖാ കമ്മിറ്റികളോടും യോഗം ആവശ്യപ്പെട്ടു. അഹ്മദ് തേര്‍ളായി അധ്യക്ഷനായി. മലയമ്മ അബൂബക്കര്‍ ബാഖവി ഉദ്ഘാടനം ചെയ്തു. സലീം ഫൈസി ഇര്‍ഫാനി, എ.കെ അബ്ദുല്‍ ബാഖി, സത്താര്‍ വളക്കൈ, ഇബ്രാഹിം ബാഖവി പൊന്ന്യം, ആര്‍ അബ്ദുല്ല ഹാജി, അശ്രഫ് ഫൈസി പഴശ്ശി, സലീം എടക്കാട് സംസാരിച്ചു.