വടക്കാഞ്ചേരി :വാഴാനി വിനോദ സഞ്ചാര കേന്ദ്രത്തില്‍ ടൂറിസം വാരാഘോഷത്തോടനുബന്ധിച്ച് ജില്ലാ ടൂറിസം പ്രമോഷന്‍ കൗണ്‍സില്‍ സജ്ജീകരിച്ച താല്‍ക്കാലിക റോപ്പ് വേയില്‍ ബാലിക കുടുങ്ങിയത് പരിഭ്രാന്തി പരത്തി. തിരുവോണദിനത്തില്‍ ഉച്ചയ്ക്ക് നാലരയോടെയാണ് സംഭവം. കുട്ടി ആകാശയാത്ര നടത്തുന്നതിനിടെ റോപ്പ്‌വേ യുടെ പ്രവര്‍ത്തനം സാങ്കേതിക തകരാറുകള്‍ മൂലം നിലയ്ക്കുകയും കുട്ടി വന്‍ ഉയരത്തില്‍ കുടുങ്ങുകയുമായിരുന്നു. എന്നാല്‍ മനസാന്നിധ്യം കൈവിടാതെ കുട്ടി സുരക്ഷാവലയത്തിനുള്ളില്‍ അനങ്ങാതെ കിടന്നത് രക്ഷാപ്രവര്‍ത്തകര്‍ക്ക് സഹായകമായി. വിദഗ്ദ സംഘം സ്ഥലത്തെത്തി റോപ്പ് വേയ്ക്ക് സമാന്തരമായി മറ്റൊരു സഞ്ചാര പാത നിര്‍മ്മിച്ചാണ് കുട്ടിയെ സുരക്ഷിതമായി രക്ഷപ്പെടുത്തിയത്.