അടിമാലി: ഓണദിനത്തില്‍ പെയ്ത കനത്ത മഴയില്‍ ഇരുമ്പുപാലം, ചില്ലി ത്തോട് മേഖലകളില്‍ വ്യാപക നാശം. ചില്ലിത്തോട് അംബേദ്കര്‍ ക്ലബ്ബിന്റെ മേല്‍ക്കൂര പൂര്‍ണമായി കാറ്റ് പറത്തി.
കുഴിക്കാട്ടില്‍ ജോര്‍ജിന്റെ വാഴ, കപ്പ, ജാതി, കൊക്കോ തുടങ്ങിയവ ശക്തമായ കാറ്റില്‍ നശിച്ചു. പാലേക്കാട്ടില്‍ മണിയുടെ വീടിന് മുകളിലേക്ക് മരച്ചില്ല ഒടിഞ്ഞ് വീണു.
മംഗലത്ത് യൂസുഫിന്റെ കോഴിഫാം പൂര്‍ണമായി നശിച്ചു. ചില്ലിത്തോട് ഗ്രാമസേവാ കേന്ദ്ര ത്തിന്റെ മുകളിലേക്ക് മരം കടപുഴകി വീണു. പലഭാഗത്തും വൈദ്യുതി കമ്പിയിലേക്ക് മരച്ചില്ലകള്‍ ഒടിഞ്ഞ് വീണ് വൈദ്യുതി തടസപ്പെട്ടു. വിവിധ പ്രദേശങ്ങളില്‍ കൃഷികള്‍ക്കും വ്യാപകമായി നശിച്ചു. കല്ലാര്‍ കമ്പിലൈനില്‍ അംഗന്‍വാടിയുടെ ചുറ്റുമതില്‍ ഇടിഞ്ഞ് വീണു. കരിങ്കല്‍കെട്ട് ഭാഗികമായി തകര്‍ന്നു. ദേശീയപാതയില്‍ മരച്ചില്ലകള്‍ റോഡിലേക്ക് ഒടിഞ്ഞ് വീണു.