പഴയങ്ങാടി: ചെമ്പല്ലിക്കുണ്ട് വയലപ്ര പാര്‍ക്കില്‍ തിരുവോണ ദിവസം സാമൂഹ്യവിരുദ്ധരുടെ അക്രമം.
വൈകുന്നേരം ആറോടെ വിനോദ സഞ്ചാരികളുടെ വാഹനത്തിന്റെ ടയറിന്റെ കാറ്റ് അഴിച്ച് വിടുകയും ഗ്ലാസുകളും കണ്ണാടികളും അടിച്ച് തകര്‍ക്കുകയും ചെയ്തു. അടിപ്പാലത്തിന് സമീപമുള്ള അബ്ദുല്ല(17), അഫ്‌നാസ് (17), മുഹാദ് (17) എന്നിവര്‍ക്ക് പരുക്കേറ്റു.
ഇവരെ പഴയങ്ങാടി താലൂക്ക് ആശുപത്രിയില്‍ പ്രവേശിപ്പിച്ചു. കണ്ടാലറിയാവുന്ന നാലുപേര്‍ക്കെതിരേ പഴയങ്ങാടി പൊലിസ് കേസെടുത്തു.
പാര്‍ക്കിലെത്തുന്നവരെ ജനകീയ വിചാരണ ചെയ്യാറുണ്ടെന്ന് ശ്രദ്ധയില്‍പെട്ട് പൊലിസ് നിരിക്ഷണവും ഏര്‍പ്പെടുത്തി.