കൊടുവള്ളി: കിഴക്കോത്ത് പഞ്ചായത്ത് എം.എസ്.എഫ് സംഘടിപ്പിച്ച 'ഗുരുവന്ദനം' പരിപാടിയില്‍ പന്നൂര്‍ വെസ്റ്റ് എ.എം.എല്‍.പി സ്‌കൂളില്‍ നിന്നു വിരമിച്ച പി.കെ മുഹമ്മദ് മാസ്റ്ററെ പഞ്ചായത്ത് ഭാരവാഹികള്‍ വീട്ടിലെത്തി ആദരിച്ചു.
സംസ്ഥാന വിങ് കണ്‍വീനര്‍ കെ.ടി റഊഫ് പൊന്നാടയണിയിച്ചു. മുര്‍ഷിദ് എളേറ്റില്‍ അധ്യക്ഷനായി. ഉമര്‍ സാലിഹ്, വി.പി അഷ്‌റഫ്, റനീസ് എളേറ്റില്‍, മിസ്ബാഹ് കൈവേലിക്കടവ്, ഇല്യാസ് ഈസ്റ്റ് എളേറ്റില്‍, അജ്മല്‍ സി.പി, നൗഫല്‍ മറിവീട്ടില്‍താഴം, ജസീല്‍, ഫവാസ് കെ.ടി, മുസമ്മില്‍ സംബന്ധിച്ചു.
മുക്കം: അധ്യാപകദിനത്തില്‍ എം.എസ്.എഫ് മുക്കം മുനിസിപ്പല്‍ കമ്മിറ്റിയുടെ നേതൃത്വത്തില്‍ മുതിര്‍ന്ന അധ്യാപകനും പൊതുപ്രവര്‍ത്തകനുമായ പി.പി മൊയ്തീന്‍ കുട്ടി മാസ്റ്ററെ ആദരിക്കുകയും അധ്യാപകദിന സന്ദേശം കൈമാറുകയും ചെയ്തു.
മുനിസിപ്പല്‍ യൂത്ത് ലീഗ് പ്രസിഡന്റ് ശരീഫ് വെണ്ണക്കോട് പൊന്നാട അണിയിച്ചു. ശറഫുദ്ദീന്‍ ആലിന്‍തറ അധ്യക്ഷനായി.
അഹ്മദ് കബീര്‍, ഷാഹിദ് റംസാന്‍, ഷംനാദ് തെച്ചിയാട്, സൈനുദ്ദീന്‍ സംസാരിച്ചു. റിനാസ് സ്വാഗതവും മിദ്‌ലാജ് മുണ്ടുപാറ നന്ദിയും പറഞ്ഞു.