കല്‍പ്പറ്റ: തിരുവോണ നാളില്‍ ജില്ലയിലെ സംഗീത ചിത്രകലാധ്യാപകര്‍ നിരാഹാര സമരം നടത്തി.
എസ്.കെ.എം.ജെ സ്‌കൂളിന് സമീപമാണ് വായ മൂടികെട്ടി സമരം നടത്തിയത്.
അന്‍പതോളം അധ്യാപകര്‍ പങ്കെടുത്തു. കൂടികാഴ്ച്ച കഴിഞ്ഞിട്ടും നിയമനം നടത്താത്തതില്‍ പ്രതിഷേധിച്ചായിരുന്നു സമരം.
നിയമനം സംബന്ദിച്ച് ഹൈക്കോടതിയെ സമീപിചെങ്കിലും കേസ് ഇതുവരെ കോടതി പരിഗണിച്ചിട്ടില്ല.
സര്‍ക്കാര്‍ വിഷയത്തില്‍ അടിയന്തിരമായി ഇടപെടണമെന്നാണ് ഇവരുടെ ആവശ്യം. തൂശനിലയില്‍ സദ്യക്ക് പകരം പെയിന്റും ബ്രഷുമാണ് സമരത്തിന്റെ ഭാഗമായി വച്ചത്. പ്രതിഷേധത്തിന്റെ ഭാഗമായി കൂട്ട ചിത്രരചനയും നടന്നു.