താനൂര്‍: താനൂര്‍ മണ്ഡലത്തിന്റെ സമ്പൂര്‍ണ പ്രതിരോധ കുത്തിവയ്പിനായുള്ള 'എന്റെ താനൂര്‍ 'പദ്ധതി നാളെ തുടങ്ങും. ബോധവല്‍ക്കരണത്തിന്റെ ഭാഗമായി രാവിലെ 10നു കൂട്ടയോട്ടം സംഘടിപ്പിക്കും. ഫുട്‌ബോള്‍ താരം ഐ.എം വിജയന്‍ ഫ്‌ളാഗ് ഓഫ് ചെയ്യും.
താനൂര്‍, മൂച്ചിക്കല്‍, വെള്ളച്ചാല്‍, ഒഴൂര്‍, നിറമരുതൂര്‍ എന്നിവിടങ്ങളില്‍നിന്നു സ്‌കൂള്‍, കോളജ് വിദ്യാര്‍ഥികള്‍, യുവജനങ്ങള്‍, സന്നദ്ധ സംഘടനാ പ്രവര്‍ത്തകര്‍, കുടുംബശ്രീ പ്രവത്തകര്‍, ആശാ വര്‍ക്കര്‍മാര്‍, ആരോഗ്യ പ്രവര്‍ത്തകര്‍ തുടങ്ങി രണ്ടായിരത്തി അഞ്ഞൂറോളം പേര്‍ കൂട്ടയോട്ടത്തില്‍ പങ്കാളികളാകും. താനാളൂര്‍ സ്റ്റേഡിയത്തില്‍ പ്രതിരോധ കുത്തിവയ്പ് പ്രതിജ്ഞയെടുക്കും. പദ്ധതിയുമായി എല്ലാവരും സഹകരിക്കണമെന്നു വി. അബ്ദുറഹ്മാന്‍ എം.എല്‍.എ അഭ്യര്‍ഥിച്ചു.