തിരൂരങ്ങാടി: വാളക്കുളം കെ.എച്ച്.എം ഹയര്‍ സെക്കന്‍ഡറി സ്‌കൂളിലെ ദേശീയ ഹരിതസേന വിളയിച്ച നെല്ല് ജനങ്ങളിലേക്കെത്തിക്കുന്നതിന്റെ ഉദ്ഘാടനം ഇന്ന്.
  കഴിഞ്ഞ വര്‍ഷം അന്താരാഷ്ട്ര മണ്ണു വര്‍ഷാചരണത്തിന്റെ  ഭാഗമായി വാളക്കുളം സ്‌കൂളിലെ ദേശീയ ഹരിതസേന വാളക്കുളം പാടത്തു തുടക്കം കുറിച്ച സണ്‍ഡേ ഫാമിങ് (ഞായര്‍ കൃഷി) പദ്ധതിയില്‍ വിളയിച്ച കതിര്‍മണി എന്ന പേരിലുള്ള നെല്ലാണിത്.
രാവിലെ 11.30ന് സ്‌കൂളില്‍ നടക്കുന്ന പരിപാടി മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. പി.കെ അബ്ദുറബ്ബ് എം.എല്‍.എ അധ്യക്ഷനാകും.