തൃശൂര്‍ : യൂണിയന്‍ ബാങ്കിന്റെ ജപ്തി നടപടിയെ തുടര്‍ന്ന് കുടിയിറക്ക് ഭീഷണിയിലായ തൃശൂര്‍ അവിണിശ്ശേരി കണ്ണാറ വീട്ടില്‍ മഞ്ജുളയ്ക്ക് മുഖ്യമന്ത്രിയുടെ ദുരിതാശ്വാസനിധിയില്‍ നിന്നും രണ്ടര ലക്ഷം രൂപ അനുവദിച്ചു. യൂണിയന്‍ ബാങ്ക് ഓഫ് ഇന്ത്യയില്‍ നിന്നും നാല് ലക്ഷം രൂപ വായ്പയെടുത്ത മഞ്ജുള ഒന്നര ലക്ഷം രൂപ തിരിച്ചടച്ചിരുന്നു. കുടിശ്ശിക അടയ്ക്കാന്‍ കഴിയാത്തതിനെ തുടര്‍ന്നാണ് ജപ്തി നടപടി നേരിട്ടത്. തുടര്‍ന്ന് റവന്യൂ മന്ത്രിയുടെ നിര്‍ദ്ദേശാനുസരണം ജില്ലാ ഭരണകൂടം സംഭവ സ്ഥലം സന്ദര്‍ശിച്ച് വിവരശേഖരണം നടത്തിയിരുന്നു. ജില്ലാ കളക്ടര്‍ ഡോ.ഏ.കൗശിഗന്റെ റിപ്പോര്‍ട്ടിന്റെ തുടര്‍ന്നാണ് നടപടി.