വാഷ്ങ്ടണ്‍: ഖുര്‍ആന്‍ നിന്ദിച്ചുള്ള ലഘുലേഖകള്‍ അഫ്ഗാനില്‍ വിതരണം ചെയ്തതിന് യു.എസ് മാപ്പു പറഞ്ഞു. ചൊവ്വാഴ്ച പര്‍വാന്‍ പ്രവിശ്യയില്‍ യു.എസ് സൈനികര്‍ വിതരണം ചെയ്ത ഖുര്‍ആനെ നിന്ദിക്കുന്ന ലഘുലേഖകള്‍ കുറ്റകാരമാണെന്ന് യു.എസ് സീനിയര്‍ കമാന്‍ഡര്‍ മേജര്‍ ജനറല്‍ ജെയിംസ് ലിന്‍ഡര്‍ പറഞ്ഞു. ഖുര്‍ആന്‍ വാക്കുകള്‍ക്കൊപ്പം വെളുത്ത നായയുടെ ചിത്രങ്ങളടങ്ങിയ ലഘുലേഖയാണ് വിതരണം ചെയ്തത്.
മുസ്‌ലികളെയും ഇസ്‌ലാമിനെയും നിന്ദിക്കുന്ന രീതിയിലാണ് ലഘുലേഖ രൂപകല്‍പ്പന ചെയ്തതെന്നും ഇതില്‍ ആത്മാര്‍ഥമായി ഖേദം പ്രകടിപ്പിക്കുന്നതായി ലിന്‍ഡര്‍ പറഞ്ഞു. ലോകത്തിലുള്ള മുസ്‌ലിംകളെ തങ്ങള്‍ വളരെയധികം ബഹുമാനിക്കുന്നുവെന്ന് അദ്ദേഹം പ്രസ്താവനയിലൂടെ പറഞ്ഞു.