പാനൂര്‍: കടവത്തൂരില്‍ ഡി.വൈ.എഫ്.ഐ പ്രവര്‍ത്തകന്റെ ബൈക്ക് കത്തിച്ചു. ആഗ്ലങ്ങാട്ട് ഭാസ്‌ക്കരന്റെ മകന്‍ അരുണിന്റെ പള്‍സര്‍ ബൈക്കാണ് അജ്ഞാതര്‍ കത്തിച്ചത്. വീട്ടുമുറ്റത്ത് നിര്‍ത്തിയിട്ട ബൈക്ക് ഇന്നലെ പുലര്‍ച്ചെ ഒരു മണിയോടെയാണ് കത്തിച്ചത്. സമീപത്തെ റോഡിലൂടെ വാഹനത്തില്‍ യാത്ര ചെയ്തിരുന്നവരാണ് ഉറക്കത്തിലായിരുന്ന വീട്ടുകാരെ ബൈക്ക് കത്തുന്ന വിവരം അറിയിച്ചത്. ബൈക്കില്‍ തീ പടര്‍ന്ന് വീടിനും കേടുപാടുകള്‍ സംഭവിച്ചിട്ടുണ്ട്. കൊളവല്ലൂര്‍ പൊലിസ് സ്ഥലത്തെത്തി അന്വേഷണമാരംഭിച്ചു.