ദോഹ: ഖത്തറില്‍ റിയല്‍ എസ്റ്റേറ്റ് രംഗത്ത് പ്രവര്‍ത്തിക്കുന്ന രാമനാട്ടുകര ഐക്കരപ്പടി സ്വദേശി പൂഴികുന്നുമ്മല്‍ ഖാലിദ് അലവി (42) ദോഹയില്‍ നിര്യാതനായി. ഇന്നലെ രാവിലെ മുറിയില്‍ മരിച്ച നിലയില്‍ കണ്ടെത്തുകയായിരുന്നു. ഹൃദയാഘാതമാണ് കാരണമെന്നാണ് പ്രാഥമിക നിഗമനം.
ഭാര്യ: ലൈല. മക്കള്‍: അഫ്ര, അംന, ആദില്‍, ഹംദാന്‍. പിതാവ്: പരേതനായ അലവി. മാതാവ്: ബിയ്യാത്തു.
മാപ്പിളപ്പാട്ടുകള്‍ ഉള്‍പ്പെടെ നിരവധി ഗാനങ്ങള്‍ രചിച്ചിട്ടുണ്ട്. അഷറഫുല്‍ അമ്പിയാ രാജന് പൂമകള്‍ ഫാത്തിമത്ത് സുഹറ, രാരീരം പാടാന്‍ ഇനി വരുമോ തുടങ്ങി പ്രശസ്ത ഗാനങ്ങള്‍ ഇദ്ദേഹത്തിന്റെ രചനയാണ്. സഊദി അറേബ്യയിലായിരിക്കെ  പത്രപ്രവര്‍ത്തകനായിരുന്നു    നിരവധി ആനുകാലികങ്ങളില്‍ ലേഖനങ്ങളും കഥകളും എഴുതിയിട്ടുണ്ട്.