റിയാദ്: യമനിലെ വിമതരെ ലക്ഷ്യമാക്കി സഊദി നേതൃത്വത്തിലുള്ള സഖ്യ സേന നടത്തിയ വ്യോമാക്രമണത്തില്‍ ഡസന്‍ കണക്കിന് ഹൂതി വിമതരെ വക വരുത്തിയതായി യമന്‍ സൈനിക വൃത്തങ്ങള്‍ പറഞ്ഞു.

നിരവധി പേര്‍ക്ക് പരുക്കേറ്റതായും വിമത വിഭാഗങ്ങള്‍ക്ക് കനത്ത നാശനഷ്ടം വരുത്തി വച്ചതായും റിപ്പോര്‍ട്ടില്‍ പറയുന്നു. അബൂ ജിഹാദ് എന്ന പേരില്‍ അറിയപ്പെടുന്ന പ്രമുഖ നേതാവായിരുന്ന ഹൂതി കമാണ്ടര്‍ മുഹമ്മദ് അലി അല്‍ ശഅബാനി കൊല്ലപ്പെട്ടതായും മറ്റൊരു ലീഡറായ മുഹമ്മദ് ഇസ്മായില്‍ അല്‍ മദനിയെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചതായും യമന്‍ സൈനിക വൃത്തങ്ങള്‍ വെളിപ്പെടുത്തി.

ഹജ്ജഹ് , സര്‍വ പ്രവിശ്യകളിലായി നടന്ന വ്യോമാക്രമണത്തില്‍ ഡസന്‍ കണക്കിന് ഹൂതികള്‍ വകവരുത്തിയതായും സൈനിക കേന്ദ്രങ്ങള്‍ പുറത്തു വിട്ട റിപ്പോര്‍ട്ടില്‍ പറയുന്നുണ്ട്.