ദുബൈ: ഐ.സി.സിയുടെ ഏറ്റവും പുതിയ ടെസ്റ്റ് റാങ്കിങില്‍ ഇന്ത്യ ഒന്നാം സ്ഥാനം നിലനിര്‍ത്തി. കഴിഞ്ഞ ദിവസം സമാപിച്ച ശ്രീലങ്കന്‍ പര്യടനത്തിലെ മൂന്ന് ടെസ്റ്റുകളടങ്ങിയ പരമ്പര 3-0ത്തിന് തൂത്തുവാരിയതിന്റെ ബലത്തില്‍ 125 പോയിന്റുമായാണ് ഇന്ത്യ ഒന്നാം റാങ്ക് നിലനിര്‍ത്തിയത്. അതേസമയം ബംഗ്ലാദേശിനെതിരായ ഒന്നാം ടെസ്റ്റില്‍ അപ്രതീക്ഷിത തോല്‍വി വഴങ്ങിയ ആസ്‌ത്രേലിയ നാലാം സ്ഥാനത്ത് നിന്ന് അഞ്ചിലേക്ക് വീണു. ന്യൂസിലന്‍ഡ് നാലാം സ്ഥാനത്ത്. ദക്ഷിണാഫ്രിക്ക രണ്ടാം സ്ഥാനത്തും ഇംഗ്ലണ്ട് മൂന്നാം സ്ഥാനത്തും നില്‍ക്കുന്നു. പാകിസ്താന്‍, ശ്രീലങ്ക, വെസ്റ്റിന്‍ഡീസ്, ടീമുകളാണ് ആറ്, ഏഴ്, എട്ട് സ്ഥാനങ്ങളില്‍. ബംഗ്ലാദേശ് ഒന്‍പതാം സ്ഥാനത്തും സിംബാബ്‌വെ പത്താം സ്ഥാനത്തും.