പ്യോങ്‌യാങ്: അമേരിക്കയുടെ നേതൃത്വത്തില്‍ കടുത്ത ഉപരോധനീക്കങ്ങള്‍ക്കു നീക്കം നടക്കുന്നതിനിടെ മുന്നറിയിപ്പുമായി വീണ്ടും ഉ.കൊറിയ. അമേരിക്കയുടെ സമ്മര്‍ദത്തെയോ പുതിയ ഉപരോധ നീക്കങ്ങളെയോ കൂടുതല്‍ ശക്തമായ പ്രതികാര നടപടികള്‍ കൊണ്ട് തിരിച്ചടിക്കുമെന്നാണ് ഉ.കൊറിയ ഭീഷണി മുഴക്കിയിരിക്കുന്നത്.
റഷ്യയില്‍ നടക്കുന്ന സാമ്പത്തിക ഫോറത്തിനിടെ ഉ.കൊറിയന്‍ പ്രതിനിധികള്‍ നടത്തിയ പ്രസ്താവനയിലാണ് ഇക്കാര്യം വ്യക്തമാക്കിയത്. എണ്ണ വിലക്കും ഉന്നിന്റെയും സര്‍ക്കാരിന്റെയും സ്വത്ത് മരവിപ്പിക്കലുമടക്കം ഐക്യരാഷ്ട്ര സഭയ്ക്കു മുന്‍പാകെ കടുത്ത നിര്‍ദേശങ്ങള്‍ മുന്നോട്ടുവച്ച യു.എസ് നീക്കത്തോട് പ്രതികരിക്കുകയായിരുന്നു ഉ.കൊറിയന്‍ വൃത്തങ്ങള്‍.