റിയാദ്: സഊദി ഭരണാധികാരി സല്‍മാന്‍ ബിന്‍ അബ്ദുല്‍ അസീസ് അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായി ടെലഫോണ്‍ സംഭാഷണം നടത്തി. അടുത്ത വര്‍ഷം ആദ്യത്തില്‍ സല്‍മാന്‍ രാജാവ് അമേരിക്ക സന്ദര്‍ശിക്കുമെന്ന് അമേരിക്കക്ക് ഉറപ്പുകൊടുത്തതായി വൈറ്റ്ഹൗസ് അറിയിച്ചു.
സഊദി വാര്‍ത്താ ഏജന്‍സിയാണ് ഇക്കാര്യം റിപ്പോര്‍ട്ട് ചെയ്തത്.
പ്രാദേശിക സമയം ബുധനാഴ്ച വൈകിട്ടു നടന്ന ടെലഫോണ്‍ സംഭാഷണത്തില്‍ ഇരുരാജ്യങ്ങളും തമ്മിലുള്ള ബന്ധം ഊട്ടിയുറപ്പിക്കാനുള്ള നടപടികളും മേഖലയിലെ പ്രശ്‌നങ്ങളും ചര്‍ച്ചയായി. പശ്ചിമേഷ്യയിലെ പ്രധാന പ്രശ്‌നങ്ങള്‍ സംഭാഷണത്തില്‍ ആഴത്തില്‍ ചര്‍ച്ചചെയ്തതായും എസ്.പി.എ റിപ്പോര്‍ട്ട് ചെയ്തു.