കോഴിക്കോട്: എസ്.ഡി.പി.ഐ ഇന്നു റോഹിംഗ്യന്‍ ഐക്യദാര്‍ഢ്യ ദിനം ആചരിക്കുമെന്ന് സംസ്ഥാന പ്രസിഡന്റ് പി. അബ്ദുല്‍ മജീദ് ഫൈസി വാര്‍ത്താസമ്മേളനത്തില്‍ അറിയിച്ചു. മണ്ഡലം കമ്മിറ്റികളുടെ നേതൃത്വത്തില്‍ പ്രകടനങ്ങളും ഐക്യദാര്‍ഢ്യ സംഗമങ്ങളും സംഘടിപ്പിക്കും.
മ്യാന്‍മര്‍ ഭരണകൂടവുമായി സഹകരിക്കാനുള്ള മോദി സര്‍ക്കാരിന്റെ നടപടി ഇന്ത്യന്‍ മുസ്‌ലിംകളെ അപമാനിക്കുന്നതാണ്. രാജ്യത്ത് അഭയം തേടിയിരിക്കുന്ന നാല്‍പതിനായിരത്തോളം വരുന്ന റോഹിംഗ്യന്‍ അഭയാര്‍ഥികളെ നാടുകടത്താനുള്ള നീക്കത്തെ അപലപിക്കുന്നതായും അദ്ദേഹം പറഞ്ഞു. എസ്.ഡി.പി.ഐ ജില്ലാ പ്രസിഡന്റ് മുസ്തഫ കൊമ്മേരിയും വാര്‍ത്താസമ്മേളനത്തില്‍ പങ്കെടുത്തു.